top of page
Anker 3
über üs
Anker 1
Ds`Projekt "HÄRZBLUET"
Härzbluet isch es Mundartrock-Projekt, wo us dr Lideschaft für e Mundart-Rock entstande isch. Härzbluet verbindet Tradition und Modärni. Mit dr Mundart-Sprach wärde Emotione direkt und unverfälscht transportiert. So wie üs d`Schnouzä gwachse isch, drücke mir üsi Gedanke und Emotione us. Mir hoffe, dass mir Euch drmit ou chöi erreiche, und ou bi Euch öppis chöi uslöse!
D`Modärni und die hütige technische Möglechkeite nimmt bi üs i dr Produktion vo üsne Songs, näbe dr Tradition, ou e grosse Platz i. Üsi Song wärde nach üsne Ideen und nach üsere Vorschtelig mit technischer Ungerstützig produziert und z.T. ou vo Hand igspielt. Vor auem rockig, mängisch chli funkig u ou ab und zue chli experimentell chunnts dr`här - d`Soundchleid vo "HÄRZBLUET"
Das Projekt "Härzbluet" söu Emotione transportiere, und luegt z`Beherrschä vo de Instrumänt als wunderbars Handwärk a. Z`Produkt us dere Verschmelzig vo Handwärk, künstlerischer Gschtaltig und hütiger Technik isch am Schluss ds`Gsamtkunstwärk "Härzbluet", wo als Ändresultat für Di kreiert isch worde. Mir hoffe Du hesch Freud dranne!
Das Projekt Härzbluet gits sit März 2026. Es isch also noch ganz früsch. Usser d`Idee, em Konzept und der produzierte Musig ist aues andere ersch i dr Entstehig. Im Momänt si mir an dr Produktion vo neue Songs, so dass mir es vollständigs Bühneprogramm chöi zämmestelle. Paralell drzue sueche mir nach Live-Musiker, wo die Songs "Live" chöi und wei performe. So chöi mir d`Botschaft von "Härzbluet" auch von der Bühne us is Land verbreite. Mir wei Euch auch Live verzaubere und die grosse Emotionen wecke!
Wenn Du Musiker bisch, und ds`Konzept und d`Musig vo "HÄRZBLUET" cool fingsch, was het Di drvo ab mit üs die Mundart-Weut z`rocken? Melde Di doch bi üs, viellicht gits e gmeinsami Zuekunft?!
bottom of page