HÄRZBLUET het mit "Schäreschnitt vom Läbe" e erschte Schritt gwagt i die grossi wyti Wäut. Uf dem Erschtlingswerk si 12 Songs druf. Jede einzeln mit viu Härzbluet gmacht, Texte usem Läbe, über Gsellschafts-Theme, Liebi und Truur und was üs süsch no so i Sinn chunnt. Kombiniert mit igängige Melodien, griffige Gitarreriffs, groovige Rhythme und kreative Idee mit z.T. ou exotische Instrumänt. 

Mir si stouz druf, und hoffe Dir heit ou Freud - loset inne!