mediä
Mundart-Rock..........fürs Härz!
HÄRZBLUET - Album "Läbessaft"
Ds zwöite Album vo HÄRZBLUET heisst "Läbessaft" und füehrt die Musigrichtig vom emotionale und rockige Mundart-Genre witer - ganz i dr Manier vo HÄRZBLUET, wie me se kennt und wie me se het schätze glehrt!
Mit igängige Texte über Alltagssituatione, Härzschmärz und ou schöni Sache, wo eim im Läbe immer wieder begägne. HÄRZBLUET het sich ids Züg gleit für Euch, und 12 neui Songs kreiert wos in sich hei - me bringt se nüme usem Chopf!
HÄRZBLUET - Album "Schäreschnitt vom Läbe"
HÄRZBLUET het mit "Schäreschnitt vom Läbe" e erschte Schritt gwagt i die grossi wyti Wäut. Uf dem Erschtlingswerk si 12 Songs druf. Jede einzeln mit viu Härzbluet gmacht, Texte usem Läbe, über Gsellschafts-Theme, Liebi und Truur und was üs süsch no so i Sinn chunnt. Mängisch melancholisch, mängisch witzig, aber immer mit ere Prise Kampfgeischt und Zueversicht. Kombiniert mit igängige Melodien, griffige Gitarreriffs, groovige Rhythme und kreative Idee mit z.T. ou exotische Instrumänt.
Mir si stouz druf, und hoffe Dir heit ou Freud - loset inne!
GALLERY
VIDEO ( PROMO LÄBESSAFT )
Kommentare / Feedbacks zu "HÄRZBLUET"
-
.... und i ha das Lied sicher scho 5 oder 6 mol glost. Was mi beidruckt, dr Text isch ganz fiehn ghalte, nid theatralisch, nid schwer, mit ere gwüsse Distanz aber so griffbar. Du hesch es wahnsinns Gspühr und losch mit dine Wort trotzdem no d'Möglichkeit vo Rückzug und Privatsphäre. I weiss nid öb i mi cha richtig usdrucke, was i empfinde.
-
Hei, das isch bombig ...🎼👍😃die Lüt chöi öppis. 🙋🏼♂️Grüessli
-
Bi a dire Musig lose, ha itz Chöpfhörer drbi. Song um song lose i ganz ufmerksam. Dr Song "Niemer het gfragt "......eifach.....solo perfetto, genial. Dr Zytgeischt vou troffe!
-
hab mal kurz eure songs gehört, ich behaupte mal frech das ist das beste in sachen mundart rock seit polo hofer und stiller has, ganz coole songs, respect