top of page
Anker 3
über üs...
Anker 1
Ds`Projekt "HÄRZBLUET"
Härzbluet isch es Mundartrock-Projekt, wo us dr Lideschaft für e Mundart-Rock entstande isch. Härzbluet verbindet Tradition und Modärni. Mit dr Mundart-Sprach wärde Emotione direkt u unverfälscht transportiert. So wie üs dr Schnabu gwachse isch, drücke mir üsi Gedanke und Emotione us. Mir hoffe, dass mir Euch mit däm ou chöi erreiche, und ou bi Euch Emotione chöi uslöse!
D`Modärni und die hütige technische Möglechkeite nähme bi üs i dr Produktion vo üsne Songs, näbe dr Tradition, ou e grosse Platz i. Üsi Song wärde nach üsne Ideen und nach üsere Vorschteligä mit technischer Ungerstützig produziert und z.T. ou vo Hand igspielt. D`Texte, Melodie/Hooks und d`Arregements si us dr Härzbluet-Fädere u entspringe us üsere Idee u Vorstellig. Einzig d`Instrumentierig, Sounds und dr Gsang wird dür Technik understützt. Vor auem rockig, mängisch chli funkig u ou ab und zue chli experimentell chöme d`Songs drhär.
Das Projekt "Härzbluet" söu Emotione transportiere und vor auem bi Dir settigi uslöse!
Mir hoffe Du hesch Freud dranne!
Das Projekt Härzbluet gits sit Januar 2026. Es isch also noch ganz früsch. Usser d`Idee, em Konzept und der produzierte Musig ist aues andere ersch i dr Entstehig. Im Momänt si mir an dr Produktion vo neue Songs, so dass mir es vollständigs Bühneprogramm chöi zämmesteue. Paralell drzue sueche mir nach Live-Musiker, wo die Songs "Live" chöi und wei performe. So chöi mir d`Botschaft von "Härzbluet" auch von der Bühne us is Land verbreite. Mir wei Euch ou Live verzaubere und die grosse Emotionen wecke!
Bisch Du Musiker u fingsch ds`Konzept und d`Musig vo "HÄRZBLUET" cool ? Was het Di de drvo ab, mit üs die Mundart-Wäut z`rocke? Mäud Di doch bi üs, viellicht gits e gmeinsami Zuekunft - schrib üs!, uns säg üs warum Du wosch drbi si!
bottom of page